أهم الفلترات الموجوده في الفوتوشوب
نبدأ بـ أول شرح للمبتدئين بعد افتتاح الموقع
الدرس دا هيكون توضيح لـ بعض فلترات الفوتوشوب الى موجوده فعلا ف البرنامج مش محتاج انك تنزلها و الى اغلبية الناس مش عارفه اهميتها
حاجة كويسة ان انك لما تيجي تطبق درس تكون عارف الخطوة دي بتعملها ليه ,, مش تعملها بس عشان تاخد نفس النتيجة زي الدرس ما هو معمول
لان ممكن الخطوة دي تكون نازلة ف الشرح بـ خطوة طويلة تاخد معاك وقت و انت عندك حركه تانية ممكن تعملها بيها توصل لنفس النتيجة وتاخد وقت اقل
و الاحتراف في التصميم هو انك توصل لـ أفضل نتيجة في أقل وقت وليس انك توصل لـ أفضل نتيجة فقط
نبدأ الشرح
في فلتر مهم جدا عندنا اسمة Liquify
وهنقدر نوصلة زي الصورة دي كدا
الفلتر دا ميزتة تنحيف و تضخيم الصور
وكمان في ناس لو ادمنت الفلتر دا بتقدر تعمل بيه صور كاركتير لان الفلتر دا يعتبر لعبة وليس اداة
و انا جايبلكم هنا شرح لـ الفلتر " شاهد الشرح من هنا " و الحقوق محفوظة لـ الاخت صاحبة الشرح
تاني فلتر معانا و هو فلتر DIGIMARC
الفلتر دا في ناس كتير متعرفش عنه حاجة و مجربوش يستخدموه لانك تحس انه غامض مبيظهرش تأثير ع الصورة
اهمية الفلتر دا بتكون لـ حقوق الملكية
بحيث انه يعطي معلومات عن صاحب الصورة و حقوق ملكيتها ويمنعها من السرقة
واستخدامة يكون من خلال
Filter > DIGIMARC > Embed watermark
الفلتر التالت وهو مش فلتر واحد بل هم مجموعة فلترات تسمي بإسم Other
نبدأ بـ أول فلتر داخل هذه المجموعة وهو فلتر Custom
يتلاعب هذا الفلتر بالالوان حسب نسبة تحددها وهي تكون لـ درجة سطوع الصورة ونسبة استخدام هذا الفلتر في التصاميم تكون قليلة بينما يكثر استخدامة في خدع الفوتوشوب
ثاني فلتر وهو فلتر High Pass
فلتر مهم جدا ومميز يزيد من وضوح التفاصيل و يبرز اللمعان و يقلل التباين ف الصورة
كلما كان تعيين الفلتر HIGH PASS منخفضا كلما زادت التفاصيل التي يحتفظ بها ويحذف الفلتر اغلب الالوان في الصورة
تالت فلتر وهو Maximum
يستخدم في تفتيح المناطق المعتمه في الصورة صاحبة اللون الواحد لانه تأثيرة قوي يؤثر على باقي الالوان
رابع فلتر وهو Minimum
عكس فلتر Maximim فهو يعتم المناطق الفاتحة في الصورة
خامس فلتر وهو فلتر Offset
هذا الفلتر كثيرا ما يستخدمة المصورين وهو يقوم بقسم جزء من الصورة الى جزئين ويعكسهم اما افقي او رأسي وذلك عن طريق تحريك البكسلات الخاصة بالصورة بنسبة محدده تقوم انت بتحديدها
كدا انتهيت من شرح 7 فلاتر مهمين و قليل من يستخدمهم لعدم وجود دروس تخصهم